ப்ரணவ பீடம் ஆன்மீக அறக்கட்டளை - வெள்ளி விழா சிறப்பு அறிவிப்பு!

ஜோதிட ஆராய்ச்சிக் கூட்டிணைவு (Fellowship) பட்டயம்

ப்ரணவ பீடம் ஆன்மீக அறக்கட்டளை தனது 25வது ஆண்டில் அடியெடுத்து வைப்பதன் வெள்ளி விழா கொண்டாட்டங்களை முன்னிட்டு, ஜோதிட உலகின் ஆழமான ஆய்வுக்காக, சிறப்புமிக்க ஜோதிட ஆராய்ச்சிக் கூட்டிணைவு (Jyothisha Research Fellowship - JRF) பட்டய வகுப்புகளை அறிவிக்கிறது!

ஜோதிடம் என்ற மாபெரும் கடலில் மூழ்கி, ஆய்வு என்கிற ஞான முத்துக்களை வெளிக்கொணரும் அரிய வாய்ப்பு இது!

ஒரு வருட கால விரிவான ஆராய்ச்சி வகுப்புகள் விரைவில் துவங்க உள்ளன. ஆர்வமுள்ள ஜோதிட ஆய்வு மாணவர்களை வரவேற்கிறோம்.

ஆய்வு செய்யக் காத்திருக்கும் முக்கியத் தலைப்புகள்:

• ஜோதிட விதிகள் மறு ஆய்வு: காலத்திற்கு ஏற்ப ஜோதிட விதிகளைப் புரிந்துகொள்வதும், புதிய கோணங்களில் அணுகுவதும்.

• வேதகால ஜோதிடத்தில் ஓர் புலனாய்வு: பண்டைய வேத ஜோதிட முறைகள் மற்றும் அதன் பயன்பாடுகள் குறித்த ஆழமான ஆய்வு.

• தினசரி வாழ்வியல் ஜோதிடம்: அன்றாட வாழ்க்கையின் சவால்களுக்கும், வாய்ப்புகளுக்கும் ஜோதிடத்தின் பங்களிப்பு.

• கால நிர்ணய ஆய்வு: ஒரு நிகழ்வின் சரியான காலத்தை நிர்ணயிப்பதற்கான பல நுட்பங்கள் மற்றும் ஆராய்ச்சிகள்.

• பிரசன்ன ஜோதிட ஆராய்ச்சி 

மேலும் பல ஜோதிடத் தலைப்புகளில் தங்களது விருப்பத்திற்கேற்ப ஆய்வு செய்யலாம்.

இந்த ஆய்வுப் பயணத்தில் உங்களுக்குக் கிடைக்கும் பலன்கள்:

• ஒவ்வொரு ஆய்வும் தனித்துவமான ஆராய்ச்சி நூலாக வெளியிடப்படும்.

• தனியாகவோ அல்லது குழுவாகவோ (ஒன்றுக்கு மேற்பட்டவர்கள் இணைந்து) ஆய்வு செய்யும் வாய்ப்பு.

• ஆய்வை வெற்றிகரமாக முடிக்கும் அனைவருக்கும் "ஆராய்ச்சியாளர் பட்டயம்" வழங்கப்படும்.

• சிறந்த ஆய்வுகளுக்கு தங்கப் பதக்கமும், வெள்ளிப் பதக்கமும் வழங்கி கௌரவிக்கப்படும்.

• ஸ்வாமி ஓம்கார் அவர்கள் உங்களது ஆய்வு வழிகாட்டியாக இருந்து, நேரடியாகப் பயிற்சி அளித்து, வழிகாட்டுவார்.

• மாதம் ஒரு முறை சிறப்பு ஆய்வு வகுப்புகள் நடைபெறும்.

ஆராய்ச்சி வகுப்பில் இணைந்துகொள்வதற்கான அடிப்படைத் தகுதிகள்

• அடிப்படை ஜோதிட அறிவைப் பெற்றிருக்க வேண்டும்.

• பதினெட்டு வயது பூர்த்தி செய்தவராக இருத்தல் வேண்டும்.

• ப்ரணவ பீடம் ஆன்மீக அறக்கட்டளையில் ஜோதிடக் கல்வி கற்காதவர்களும் நேரடியாக இந்த ஆய்வு வகுப்பில் சேரலாம்.

• சமர்ப்பிக்கப்படும் ஆராய்ச்சிக் கட்டுரைகள் வேறு எங்கும் வெளிவராத, தனித்துவமான ஆய்வாக இருத்தல் வேண்டும்.

உங்கள் ஜோதிட அறிவையும், ஆய்வுத் திறனையும் வளர்த்துக்கொள்ள இந்த அரிய வாய்ப்பைப் பயன்படுத்திக் கொள்ளுங்கள்!

உங்கள் விருப்பங்களைத் தெரிவித்து, இப்போதே உங்களை எங்கள் ஆராய்ச்சிக் குழுவில் இணைத்துக் கொள்ளுங்கள்!

முன்பதிவுக்கு கடைசி நாள் : அக்டோபர் 20 - 2025.

இலவச ஜோதிட பயிற்சி - ஸ்வாமி ஓம்கார் ஜோதிட வகுப்புகள்

நமது கலாச்சாரத்தின் அடிப்படைக் கூறுகளில் ஒன்று ஜோதிடம். ஒரு தனிமனிதன் உணவு, உறைவிடம் மற்றும் உடை போன்ற அடிப்படைத் தேவைகளை அடைந்த பின்னர், தனக்குக் கிடைத்த வசதிகள் தொடர்ந்து நிலைக்குமா என்ற கேள்வி எழுகிறது. அந்தத் தருணத்தில்தான் ஜோதிடத்தின் தேவை உருவாகிறது.

ஐந்து நூற்றாண்டுகளுக்கு முன்பு, நமது கலாச்சாரம் அடிப்படைத் தேவைகளைப் பூர்த்தி செய்து, கலை மற்றும் கலாச்சார உயர்வில் திளைத்திருந்தது.அக்காலத்தில் ஜோதிடம் ஒரு செழிப்பான சாஸ்திரமாக விளங்கியது. இந்தியா விடுதலை அடைந்த பின்னர், மக்கள் தங்கள் அடிப்படைத் தேவைகளைப் பூர்த்தி செய்யும் பணியில் ஈடுபட்ட காலகட்டத்தில், ஜோதிடம் கற்றுக்கொள்வதற்கான நோக்கம் பலருக்கு இல்லாமல் போனது. ஆனால், மக்களின் தேவைகள் ஓரளவு பூர்த்தியான பின்னர், ஜோதிட சாஸ்திரத்தின் மீதான ஆர்வம் மீண்டும் அதிகரிக்கத் தொடங்கியது.

ஜோதிடம் என்றும் நிலைத்திருக்கும் ஒரு சாஸ்திரமாக இருந்தாலும், கடந்த நூற்றாண்டில் மக்களுக்கு ஜோதிடக் கல்வி என்பது அன்னியமாகவே இருந்தது. அதைக் கற்றுக்கொள்ள விருப்பம் உள்ளவர்களுக்கும் வசதிகள் இல்லாத நிலை நீடித்தது.

கடந்த 25 ஆண்டுகளாக, ப்ரணவ பீடம் ஆன்மீக அறக்கட்டளை ஜோதிடப் பயிற்சியை வழங்கி வருகிறது. இனம், நிறம், பாலினம் போன்ற எந்தவித ஏற்றத் தாழ்வுகளும் இல்லாமல், ஜோதிடம் படிக்க வேண்டும் என்ற ஆர்வம் கொண்ட அனைவருக்கும் இந்தக் கல்வி வழங்கப்படுகிறது.

ஆயிரக்கணக்கான மாணவர்கள் இங்கு பயிற்சி பெற்று, ஜோதிடத்தைத் தங்கள் வாழ்வில் பயன்படுத்தி வருகின்றனர். தமிழ்நாடு மட்டுமின்றி, வட இந்திய மாநிலங்கள், சிங்கப்பூர், ஸ்ரீலங்கா, மலேசியா, ஜெர்மனி, அர்ஜென்டினா போன்ற நாடுகளிலும் உள்ள மாணவர்கள் ப்ரணவ பீடம் ஆன்மீக அறக்கட்டளையின் மூலம் பயிற்சி பெற்று, ஜோதிடத்தைப் பரப்பி வருகின்றனர்.
 

ஜோதிட அடிப்படைப் பயிற்சி கடந்த சில வருடங்களாக நேரடிப் பயிற்சியுடன், ஆன்லைன் பயிற்சியும் நடைபெறுகிறது. யூடியூப் தளத்தில் அனைத்து வகையான அடிப்படை ஜோதிடப் பயிற்சிகளும் இலவசமாகக் கிடைக்கின்றன.
யூடியூப் சேவையின் மூலம், நீங்கள் ஜோதிடப் பயிற்சியைப் பெற விரும்பினால், உங்கள் இடத்தில் இருந்தே ஆழமான ஜோதிடப் பயிற்சியைப் பெற முடியும். அதற்கான இணைப்பை இங்கே தருகிறேன்:
 

உயர் நட்சத்திர ஜோதிடம் - பன்னிரண்டு வகுப்புகள் (YouTube Link)

 

பகுதி 1

பகுதி 2

பகுதி 3

பகுதி 4

பகுதி 5

பகுதி 6

பகுதி 7

பகுதி 8

பகுதி 9

பகுதி 10

பகுதி 11

பகுதி 12


ஜோதிட அடிப்படைப் பயிற்சியில், கிருஷ்ண மூர்த்தி பத்ததி என்ற ஜோதிட முறையும், நாடி ஜோதிட முறையான சாயா நாடியும் பயிற்சியாக அளிக்கப்படுகிறது.
 

நாடி ஜோதிட முறையான சாயா நாடி ஜோதிடப் பயிற்சி, ஆழ்ந்த ஜோதிட அறிவு இல்லாதவர்களுக்கும் எளிமையாகக் கற்று பலன் கூறுவதற்கு உதவுகிறது. அதிகமான சூட்சமங்கள் இல்லாமல் பலன் கூறும் தன்மையே சாயா நாடியின் சிறப்பம்சமாகும்.
 

சாயா நாடியைக் கற்றுக்கொள்ள, யூடியூப் இணைப்பை இங்கே தருகிறேன்:
 

சாயா நாடி ஜோதிடப் பயிற்சி - YouTube Link
 

பகுதி 1
பகுதி 2
பகுதி 3

மூன்று வீடியோக்களில் நீங்கள் முழுமையாக சாயா நாடியைக் கற்று, பலன் கூறும் திறனைப் பெற முடியும். அடிப்படை ஜோதிட சாஸ்திரத்தைக் கற்றுக்கொண்ட பிறகு, தனித்துவமான துறைகளில் ஜோதிடத்தைப் பயன்படுத்தும் வகையில் உயர் வகுப்புகள் உள்ளன. உதாரணமாக, நீங்கள் மருத்துவத் துறையைச் சார்ந்தவராக இருந்தால், அடிப்படை ஜோதிடம் படித்த பிறகு, மருத்துவ ஜோதிடத்தைக் கற்றுக்கொண்டு, உங்கள் துறையில் ஜோதிடத்தைப் பயன்படுத்தலாம்.

ப்ரணவ பீடம் ஆன்மீக அறக்கட்டளை வழங்கும் உயர் துறை சார்ந்த ஜோதிட வகுப்புகளின் தலைப்புகளை இங்கே தருகிறேன்
 

1. மருத்துவ ஜோதிடம்
2. முண்டேன் ஜோதிடம்
3. பங்குசந்தை ஜோதிடம்
4. ஆன்மீக ஜோதிடம்
5. கட்டடக்கலை ஜோதிடம்
6. கேரள ஜோதிடம்
7. கல்வியியல் ஜோதிடம்
8. முஹூர்த்த ஜோதிடம்
9. திருமணப் பொருத்தம்
10. பிரசன்ன ஜோதிடம்
11. வேளாண்மை ஜோதிடம்
12. தொழில் முறை ஜோதிடம்
13. உயர்நிலை ஜோதிடம்

அடிப்படை ஜோதிடம் கற்ற பிறகு, உங்களுக்கு விருப்பமான துறையைத் தேர்வு செய்து, நேரடி அல்லது ஆன்லைன் வகுப்புகளில் கலந்து கொள்ளலாம். பயிற்சி நடைபெறும் தகவல்களை எங்கள் வாட்ஸ்அப் அல்லது டெலிகிராம் குழுவில் இணைந்து தெரிந்துகொள்ளலாம்.

 

ஜோதிட கூடல்
 

பயிற்சி முடிந்த பிறகும், ப்ரணவ பீடம் அறக்கட்டளை நடத்தும் ஞாயிறு ஜோதிட கூடல் என்ற ஆன்லைன் வகுப்பில் கலந்துகொள்ளலாம். ஞாயிற்றுக்கிழமை தோறும் மாலை 5 மணி முதல் 6 மணி வரை நடைபெறும் இந்த ஜோதிட கூடல், கற்று முடித்த மாணவர்களுக்கான கூட்டமாகும். இதில் ஜாதக ஆய்வு மற்றும் கேள்வி-பதில் நிகழ்ச்சிகள் நடைபெறும். ஞாயிறு ஜோதிட கூடல் என்பது முற்றிலும் இலவசமாக நடைபெறும் நிகழ்வாகும். இதில் எந்தவித இணைய கட்டணங்களும் இல்லை. இந்த ஜோதிட கூடல் நிகழ்வு கடந்த 18 ஆண்டுகளாக தொடர்ந்து நடைபெற்று வருகிறது.

உயர் வகுப்புகள் மற்றும் அடிப்படை வகுப்புகளில் கலந்துகொள்ளவும், அது பற்றிய தகவல்களைப் பெறவும், டெலிகிராம் மூலம் எங்களுடன் இணையுங்கள்.

* டெலிகிராம் குழு *

ஏப்ரல் 2025 முதல் பல்வேறு ஜோதிடப் பயிற்சிகள் மற்றும் ஆன்லைன் வகுப்புகள் நடைபெற உள்ளன. உங்களை இணைத்துக்கொள்வதன் மூலம், சிறந்த ஜோதிடப் பயிற்சி முறைகள் வழியாக, ஜோதிட சாஸ்திரத்தின் அனைத்து பரிமாணங்களையும் கற்றுக்கொள்ளலாம்.