பழைய பஞ்சாங்கம் 24-03-2011

குர்குரே சுப்பிணி

சுப்பாண்டி தன் மகன் சுப்பிணியுடன் வந்திருந்தான். அன்று உணவு பழக்கத்தை பற்றி மாணவர்களுடன் பேசிக்கொண்டிருந்தேன். உணவு நம் வாழ்க்கையை தீர்மாணிக்கிறது. உணவு நம் மனம் மற்றும் செயல்களுக்கு காரணமாகிறது என விளக்கிக் கொண்டிருந்தேன். வேதத்தில் உள்ள வாசகமான “எதை உண்கிறாயோ அதுவாகவே ஆகிறாய்” என்பதை உதாரணங்களுடன் விளக்கிக் கொண்டிருந்தேன்.

பேச்சுக்கு நடுவே அழுகையுடன் கூடிய விசும்பல் சப்தம் கேட்டது. சுப்பாண்டியின் மடியில் உட்கார்ந்திருந்த சுப்பிணி அழுது கொண்டிருந்தான். ஏன் அழுகிறாய் என கேட்க, சுப்பிணியோ என்னை பார்த்து கேட்டான்....

“ஸ்வாமிஜீ நான் குர்குரே ஆயிருவேனா?”

------------

தோட்டகார சாமி

புகழ் பெற்ற டீவி நிலையத்திலிருந்து அழைத்து பேட்டி எடுக்க வருவதாக சொன்னார்கள். முன்பு வேறு ஒரு தொலைக்காட்சியில் சில வினாடிகள் வந்ததால் இவர்களும் தங்களின் தொலைகாட்சிக்கு என்னை அழைத்தார்கள் என நினைத்து சரி என்றேன்.

சொன்ன நேரத்தை விட சில மணி நேரம் ஆகியும் யாரும் வந்தபாடில்லை. இவர்களுக்காக காத்திருந்த நான் நேரத்தை விரயமாக்க விரும்பாமல் தோட்டத்தை ஒழுங்குபடுத்த துவங்கினேன். சிறிது நேரம் கழித்து இரு நபர்கள் வந்து “ஸ்வாமி இருக்காரா?” என்ற வழக்கமான நாத்திக கேள்வி கேட்டனர். “நாந்தேன்” என்றேன். கையில் துடைப்பத்துடன் நான் தோட்டத்தில் இருப்பதை கண்டு என்ன நினைத்தார்களோ தெரியவில்லை. கேமராவை வைத்து விட்டு வந்துவிட்டோம் இதோ வருகிறோம் என சென்றவர்கள் தான் இன்னும் வரவில்லை.

டீவி நிலையத்தில் எனக்கு தெரிந்தவர் தொலைபேசியில் இதன் காரணத்தை கூறினார். உங்கள் தோரணை சரியில்லை என வந்துவிட்டார்கள் என்றார். இவரின் காரணம் சரி என்றே பட்டது. தோட்ட வேலை செய்யும் சாமியை யார் விரும்புவார்கள்? இனி நானும் ஏஸி ரூமில் அமர்ந்து வருபவர்களுக்கு ஆசி வழங்கி என் தோரணையை மாற்றலாம் என இருக்கிறேன்...!

----------------

திருவண்ணாமலை பித்தர்

ஐந்து வருடத்திற்கு முன்பு திருவண்ணாமல் கிரிவலம் வரும் சமயம் அங்கே பைத்தியக்கார தோரணையில் ஒருவர் அமர்ந்திருந்தார். உடை எல்லாம் அழுக்கு, தலை முடி சடைசடையாக இருக்க குளித்தே பல நாள் ஆன தேகத்துடன் அமர்ந்திருந்தார். வாய் ஓயாமல் ஏதோ உளரிக்கொண்டே இருந்தார். நடு நடுவே பல வசுவுகள் என அவரின் உளரலே பயங்கரமாக இருந்தது. மக்கள் அவரை கடக்கும் பொழுது காசை அவர் முன் போட்டு விட்டு சென்றார்கள். அவர் காசை பற்றி கவலைப்படாமல் எங்கோ பார்த்தவண்ணம் அமர்ந்திருந்தார்.

நான் இளைப்பாற அங்கே அமர்ந்திருந்தேன். “பிச்சக்காரப்பயலுக பிச்சக்கார பயலுக எனக்கு ஒரு ரூவா போட்டுட்டு போறானுங்க..இவனுகளே அரிசியை ஒரு ரூவாய்க்கு வாங்கி திங்கப்போறாங்க.. XXXXX” என பல வசவுகளுடன் கூறினார். அப்பொழுது புரியவில்லை. அப்புறம் புரிந்தது...!

இந்த முறை சென்ற பொழுது அவர் என்ன சொன்னார் தெரியுமா? குழந்தைகள் பருப்பு கடைஞ்சு விளையாடுறது போல கையில சைகை காட்டிட்டு... அஸ்கு புஸ்கு அஞ்சு வருசம் கழிச்சு தெரிஞ்சுக்க என்றார் :)

சித்தர்களோ பித்தர்களோ இவர்களை புரிஞ்சுக்கவே முடியல..!

----------------------

சொல்லனும்னு தோணிச்சு சொன்னேன்

----------------------------------------------------------

நேற்றும் இன்றும் நாளையும்

மாறும் இவ்வுலகம் இந்த ஷணத்தில் மட்டும்

உறைந்து விடுகிறது

தாய் மரம் - விதையின் வளர்ச்சி...! - பகுதி 4

தாய் மரம் பற்றிய விபரம் அளித்ததும் பல்வேறு ஊர்களில் இருந்தும், நாடுகளில் இருந்தும் உற்சாகமாக மின்னஞ்சல் அனுப்பியவர்களுக்கு நன்றி. மேலும் உங்களில் பலருக்கு தாய் மரம் ஒருவித ஊக்கத்தை அளித்திருக்கும் என எண்ணுகிறேன்.

நான் அடுக்கு மாடி குடியிருப்பில் இருக்கிறேன். நான் எப்படி தாய் மரம் பயன்படுத்த முடியும் என பலர் கேட்டிருக்கிறார்கள். மனம் இருந்தால் மார்கம் உண்டு என்பது பொதுமொழி அல்லவா..!

போன்சாய் என்ற தாவர முறையை கேள்விப்பட்டிருப்பீர்கள். தாய்மரங்களை அது போன்றும் வைக்கலாம். முழுமையாக போன்சாய் முறையை பின்பற்றுவது அனைவருக்கும் சாத்தியம் அல்ல.

ஆனாலும் அடிப்படையாக மரங்களை தொட்டியில் வைத்து சில அடி தூரம் வளர்ந்ததும் அதன் கிளைகளை கத்தரித்து குட்டை செடியாக பயன்படுத்தலாம்.

தாய் மரங்கள் எந்த அளவில் இருந்தாலும் அதனால் ஏற்படும் பலன்கள் ஒன்றுதான். உங்களின் விட்டின் உள்ளறையில் மற்றும் பால்கனி போன்ற இடங்களில் இது போன்று வைப்பதன் மூலம் உங்கள் வசிக்கும் சூழலை சக்தியூட்டலாம்.

திருமண விழா, பிறந்த நாள் விழாவிற்கு உங்களின் பரிசாக நண்பர்களுக்கு அழகிய வேலைப்பாடு கொண்ட சட்டியில் மரக்கன்றை வழங்கலாம். யாரோ ஒருவர் செய்த பரிசுக்களை கடையில் வாங்கி

கடமையே என பரிசளிப்பதை விட இப்பரிசு உணர்வு பூர்வமாக உங்களின் நண்பர்களை நெகிழச் செய்யும்.

விரைவில் ப்ரணவ பீடம் அறக்கட்டளை சார்பாக தாய் மரம் சார்ந்த நந்தவனம் அமைக்கப்பட உள்ளது.

கோவையை மாதிரி நகரமாக கொண்டு தாய்மர திட்டத்தை அரசுடன் இணைந்து செயல்பட உள்ளோம். இதன் திட்ட அமைப்பு விரைவில் வெளியிடுகிறோம். இது போன்ற பல்வேறு திட்டங்களை செயல்படுத்த எங்களுடன் இணைந்து கை கோர்ப்பீர்கள் என எண்ணுகிறேன். அனைவரும் இணைத்து அனைத்தையும் சாத்தியமாக்குவோம்..!

மரங்கள் நம் மனங்களை இணைக்கட்டும் மனங்கள் மகத்தான செயல்களை புரியட்டும்..!

---------------------------------------------------

தாய் மரம் பற்றிய தகவல் அனைவருக்கும் சென்று அடைய தாய் மரம் தொடரை மின்நூலாக கொடுத்திருக்கிறோம். இப்புத்தகத்தை அனைவருக்கும் பயன்படும் வகையில் பகிர்ந்துகொள்ளுங்கள். இப்புத்தகத்தை மின்னஞ்சலிலோ அல்லது அச்சிட்டோ அனைவரையும் சென்றடைய உதவுங்கள்.

தாய்மரம் - மின்நூல்

தாய் மரம் - விதையின் வளர்ச்சி...! - பகுதி 3

தாய் மரம் என்பதன் அடிப்படையில் மரங்களின் பிரிவுகளை அட்டவணையாக தருகிறேன் என்றதும் பலரிடம் இருந்து வந்த மடல்களும், பாராட்டுக்களும் மகிழ்ச்சியை அளித்தது. இதோ விருட்ச சாஸ்திரத்தின் அடிப்படையில் மரங்களின் பகுப்பை உங்களுக்கு அளிக்கிறேன்.

உங்களின் வசிப்பிடம் அல்லது தொழில் இடங்களில் மேற்கண்ட மர வகைகளை இட வசதிக்கு ஏற்ப நடவு செய்யலாம். நம் பிறந்த நாள் அல்லது திருமண நாட்களுக்கு பிறருக்கு பரிசாக வழங்கலாம். இதன் மூலம் வாங்குபவர்களுக்கு நன்மையாகவும், கொடுக்கும் உங்களுக்கு புண்ணியமாகவும் இருக்கும்.

நீங்கள் வசிக்கும் இடத்திற்கு அருகே பள்ளிகள் இருந்தால் அனுமதி பெற்று மாணவர்களுக்கு மரம் பற்றி விழிப்புணர்வு ஏற்படுத்தி மேற்கண்ட மரங்களை நட ஏற்பாடு செய்யலாம். அரசு பள்ளிகளில் தற்சமயம் பசுமை படை என்ற பிரிவு சாரணர் இயக்கம் போல அமைந்திருக்கிறது. அப்படையை பயன்படுத்தினால் உங்களில் பகுதி பசுமையாகும். சிறப்பாக செயல்பட்டு மரம் நட்டு வளர்க்கும் மாணவர்களுக்கு பரிசுக்களையும், மதிப்பெண்னும் வழங்கி ஊக்குவிக்கலாம்.

மரம் நடுவதற்கு ஏதேனும் அடிப்படை வழிமுறைகள் கடைபிடிக்க வேண்டுமா?

ஆம்.

தாய் மரங்கள் தன்னை தானே ஆதரித்துக் கொள்ளும் வலிமை வாய்ந்தது. ஒரு முறை நீங்கள் நடவு செய்தால் அம்மரம் வளர்ந்து தன்னை தானே விதைகளாக்கி பல்கி பெருகிவிடும். அதனால் முதன் முறை நாம் மரம் நடும் பொழுது அக்கறையுடனும் நற்சிந்தனையுடனும் நட வேண்டும் என்பது முக்கியம்.

மரம் நடுவதற்கு சில முக்கிய அடிப்படை விஷயங்கள்

• மரம் நடும் குழி குறைந்த பட்சம் இரண்டடி ஆழம் ஒன்றரை அடி அகலம் இருத்தல் அவசியம்.
• பொடியாக்கிய சாண வரட்டி, காய்ந்த இலை சருகுகள் எறித்த சாம்பல் கலவை ஆகியவற்றை குழியில் இட்டு அதன் பிறகு மரக்கன்றை நட வேண்டும். தேவைப்பட்டால் மண் புழு உரம் அல்லது மக்கிய குப்பைகளை மரக்கன்று நட்ட இடத்தில் சேர்க்கலாம்.
• மரக்கன்றின் அடிப்பகுதியில் தேங்காய் நார் கொண்டு சுற்றி மூடி நீர் ஊற்றுவதன் மூலம் அதிக நீர் சத்து கொண்ட சூழலை உருவாக்கி மரகன்று காய்ந்து போகாமல் காக்கலாம்.
• ஒன்றுக்கு மேற்பட்ட மரக்கன்று நடுவதாக இருந்தால் குறைந்த பட்சம் பத்து அடி அதிகபட்சம் 30 அடி தொலைவு இருத்தல் அவசியம்.
• கட்டிட சுவர் அல்லது மதில் சுவர்களுக்கு அருகே நடவு செய்யாமல் குறைந்த பட்சம் 5 அடி தொலைவில் நடவு செய்தல் நலம்.

அவ்வளவு தான்…. இனி நீங்கள் புறப்படலாம்

பசுமை புரட்சி உங்களின் கைகளால் துவங்கட்டும்.

இத்தொடரை படிப்பவர்கள் மேற்கண்ட அட்டவணையில் ஒரு தன்மையிலாவது மரக்கன்று நடுவேன் என உறுதிமொழி எடுத்து மறுமொழியிட்டால் மகிழ்வேன். அதை கடைபிடித்து புகைப்படம் எடுத்து எனக்கு அனுப்பினால் உங்களின் வாழ்க்கையில் ம(ர)றக்க முடியாத பரிசு ஒன்றை தருவேன்…!

(விதை முளைக்கும்)