Pages

Subscribe:

Ads 468x60px

மனிதனை இறைநிலைக்கு உயர்த்துவது சாஸ்திரம். இறையருளால் உயிர்கள் விழிப்புணர்வு பெற சாஸ்திரத்தை சாஸ்வதமாய் பயன்படுத்துவோம்.
"சாஸ்திர பிரம்ம ரூபேணாம் "

www.pranavapeetam.org

Saturday, January 19, 2019

அர்த்த கும்பமேளா 2019


12 கோடிக்கு மேல் மக்கள் கூடும் அர்த்த கும்பமேளா துவங்கி நடைபெற்று வருகிறது. பிப்ரவர் 4 (தை அமாவாசை) மற்றும் 10 பிப்ரவரி (வஸந்த பஞ்சமி) ஆகிய தினங்கள் முக்கியமான ஸ்நான நாட்களாகும்.

ப்ரணவ பீடம் சார்பாக கும்பமேளாவில் கூடாரம் அமைத்து தங்க ஏற்பாடு செய்யப்பட்டுள்ளது.  மந்திர ஜபம், பஜன் மற்றும் தியானத்துடன் ஸ்வாமி ஒம்கார் பத்து நாட்கள் அங்கே தங்கி வழிநடத்த உள்ளார்.

பத்து நாட்களோ அல்லது முக்கிய ஸ்நான நாட்களுக்கோ வந்து செல்லலாம்.

கலந்துகொள்ள என்ன செய்ய வேண்டும்?

ஜனவரி 30ஆம் தேதிக்கு முன்பு உங்கள் வருகையை முன்பதிவு செய்யவும்.
(போன் மற்றும் மின்னஞ்சலில் செய்யலாம்.)
உங்கள் பயண சீட்டை முன்பதிவு செய்து அதன் நகல் அனுப்பி முன்பதிவு செய்துகொள்ளவும். முக்கிய ஸ்நான நாளுக்கு ஒரு நாள் முன்பு வந்துவிடுவது நல்லது.

கும்பமேளா ஆன்மீக பயணத்திற்கு நேரடியாக நீங்கள் கும்பமேளா நடைபெறும் சங்கம் என்ற திருவேணி சங்கமத்திற்கு வந்து எங்களை தொடர்புகொள்ளலாம். தங்குமிடம் மற்றும் உணவு ஏற்பாடு செய்யப்படும்.
சேவைகளுக்கு நன்கொடைகள் உண்டு. இது இலவச சேவை அல்ல.
குறந்த எண்ணிக்கையிலேயே இடங்கள் உண்டு.

வாட்ஸப் தொடர்பு : 9944233355
தொலைபேசி : 9944133355
மின்னஞ்சல் : swamiomkar@gmail.com


கும்பமேளா தொடர் 

Monday, January 7, 2019

வேளாண்மை பஞ்சாங்கம்- 2019


 நம் கலாச்சாரத்தில் உருவான ஜோதிட நூல்கள் பெரும் பகுதி விவசாயம் சார்ந்த கருத்துக்களை கொண்டது. குறிப்பாக எப்பொழுது விவசாய பணி செய்ய வேண்டும் என்பதில் துவங்கி எவ்வகை பயிர்கள் லாபம் தரும் என்பது வரை குறிப்புக்கள் உண்டு. தமிழில் வருட பாடல் பாடிய இடைக்கடார் சித்தர் பாடல்களில் கூட இந்த வருடம் மழை பொழியுமா, வறட்சி நிலவுமா என்ற விவசாய குறிப்பை காணலாம். நம் நாடு விவசாய நாடு என்பதாலும் முன்காலத்தில் விவசாய பணிகள் மிக முக்கிய பணிகளாக இருந்ததும் காரணமாக இருக்கலாம்.

ஆனால் தற்காலத்தில் ஜோதிடத்தின் விவசாய விதிகளை கவனமாக தவிர்த்துவிட்டு திருமணம், காது குத்து என நல்ல நேரம் பார்க்க பயன்படுத்துகிறோம். ஜோதிடம் என்பது மூட நம்பிக்கை அல்லது நம்பிக்கை என்ற விவாதம் தவிர்த்துவிட்டு பொதுவாக சொன்னால் ஜோதிடம் ஒரு வானிலை அறிவிக்கும் கருவியாக பயன்படுத்தலாம். தினசரி காலண்டரில் கூட ‘சந்திரனின் வடகோடு உயர மழை பெய்யும்’ என்ற வாசகம் காணலாம்.  அது போல நம் நன்மைக்கும் வானிலை அறிந்து வேளாண் செய்யும் வகையில் பஞ்சாங்கம் தயாரித்துள்ளேன்.

வேதகால வேளாண்மை என்ற கருத்தியலின் ஒரு பகுதி வேளாண் ஜோதிடம். தற்காலத்தில் பயோ டயனமிக் - உயிர் ஆற்றல் விவசாயம் என்ற பெயரில் பஞ்சாங்கம் மேலை நாட்டினரால் தயாரிக்கப்பட்டு பயன்படுத்தப்படுகிறது. அதில் சந்திரனின் முழு நிலவு, அமாவாசை மட்டுமே கருத்தில் கொண்டு 15 நாட்கள் வரும் திதியின் அடிப்படையிலும் சில ஜோதிட கருத்துக்களுடனு அமைகிறது. ஆனால் நமது பஞ்சாங்கத்தில் நாள், வாரம், நட்சத்திரம், யோகம் மற்றும் திதி ஆகிய பஞ்ச அங்கங்களை பயன்படுத்தும் முறைகளை நம் சாஸ்திரத்தின் அடிப்படையில் கொடுத்துள்ளேன்.

கம்ப்யூட்டர் யுகத்தில் பஞ்சாங்கம் வைத்து விவசாயமா என சிந்திப்பவர்களுக்கு ஒன்று சொல்ல விரும்புகிறேன். உயிராற்றல் விவசாயம் மற்றும் மேலை நாட்டு பஞ்சாங்கம் தமிழ்நாடு வேளாண் பல்கலைகழகத்தால் ஆதரவு பெற்ற ஒன்று. மேலும் படிக்க இங்கே க்ளிக் செய்யவும். வெளிநாட்டுக்காரர்கள் சொன்னால் தானே நாம் நம்புவோம்? தற்சமயம் ப்ரணவ பீடத்தில் வேளாண்மை பஞ்சாங்கம் அமெரிக்க நாடுகள், அஸ்திரேலியா , பூட்டாண் ஆகிய நாடுகளில் பயன்படுத்தப்பட்டு வருகிறது.

ப்ரணவ பீடத்தின் வேளாண் பஞ்சாங்கம் சாஸ்திர ரீதியாக தயாரிக்கப்பட்டு எதிர்காலத்தில் உயிராற்றல் விவசாயம் பரவலாகும் பொழுது அனைவருக்கும் கிடைக்க செய்யும் பணிகளில் ஈடுபட்டுள்ளோம்.

2007ஆம் ஆண்டு முதல் தயாரித்து வந்தாலும் விவசாயிகளுக்கு மட்டுமே தனிச்சுற்றாக அனுப்பி வந்தோம். தற்சமயம் பலர் விவசாய ஆர்வலர்களாக இருக்கிறார்கள், தங்கள் வீட்டின் மாடியில் பயிர் செய்கிறார்கள். அனைவருக்கும் பயன்படும் வகையில் இந்த வருட (துன்முகி) வேளாண் பஞ்சாங்கத்தை இலவச டவுன்லோடு செய்யுமாறு வழங்குகிறோம்.

- இலவச பஞ்சாங்கம் வானிலை கணிப்புடன்

இலவச வேளாண்மை பஞ்சாங்கத்தை அனைவருக்கும் கொண்டு செல்ல நீங்களும் ஒரு கருவியாக இருப்பீர்கள் என நம்புகிறேன். 

வேளாண்மை நமது உயிர் ஆதாரம்.

 
வேதகால வேளாண்மை பற்றிய எழுதிய கட்டுரைகளை படிக்க - வேதகால வேளாண்மை